ليه قررت الترشح؟

• أنا ابن المنطقة دي، عشت تطورها، وشفت مشاكلها، وساهمت في حلها على مدار 25 سنة، سواء في القطامية أو بدر أو الشروق أو التجمع بأقسامه.
• من البداية كانت مساندة ومساعدة الناس هدفي، وكل ما الأهداف بتكبر، الأحلام كمان بتكبر، ومع كل حلم جديد مسؤولية جديدة. وده اللي خلاني أترشح، عشان المسؤولية كلها تتجمع في صوت واحد وهدف واحد.
• ولأني عاهدت نفسي إني أستغل خبرتي القانونية، وخبرتي في الشؤون السياسية والعمل العام، وكذلك خبرتي في الرقابة والتدقيق، وأوظفها لخدمتكم زي ما اتعودتوا مني، لكن المرة دي بشكل أوسع ومسؤولية أكبر.